 |
ATTIVITAJIET | KOMPETIZZJONIJIET | CHATS | LOGĦOB TAR-RWOLI |
|
|
Il-logħbiet didattiċi jindirizzaw studenti primarji u sekondarji. Il-logħbiet ikopru bosta oqsma tematiċi bħalma huma l-integrazzjoni Ewropea, iċ-ċittadinanza Ewropea, il-munita unika, il-ħarsien tal-konsumatur, is-suq intern, l-Ewropa fid-dinja, it-Tkabbir ta’ l-UE, il-valuri kulturali komuni Ewropej, il-wirt kulturali Ewropew, l-istituzzjonijiet Ewropej, l-UE u ċ-ċittadini tagħha, it-Trattati ta’ l-UE u ħafna oħrajn.
- Din il-logħba tista’ tintlagħab kemm fl-iskejjel primarji u kemm f’dawk sekondarji.
- Din il-logħba tgħin lil min ikun qed jilgħab li jitgħallem aktar dwar l-UE u ċ-ċittadini tagħha bl-użu ta’ mapep, figuri u simboli.
- Tista’ tqabbel il-muniti kollha Ewro mal-pajjiż ta’ l-oriġni tagħhom? Kaxkar kull munita fil-post it-tajjeb fuq il-mappa ta’ l-Ewropa.
- Qabel ma tlesti t-tisliba, inti jkollok l-opportunità li titgħallem aktar u tisma’ l-Innu Ewropew.
- Din it-tisliba għandha l-għan li tiffriska l-għarfien tiegħek jew li tgħinek issir taf aktar dwar ix-Xmara Danubju.
- L-iskop ta' din il-logħba hu li jinkoraġġixxi lill-istudenti jwieġbu disa' mistoqsijiet dwar l-Unjoni Ewropea biex jieħdu 3 X jew O mimdudin, weqfin jew djagonali. Il-mistoqsijiet ikopru stadji mill-istorja ta' l-UE. Hi maħsuba wkoll biex timmotiva studenti bejn 11 u 19-il sena biex jaħdmu flimkien fi gruppi u jtejjbu l-ħiliet tagħhom ta' komunikazzjoni.
- Din il-logħba tista' tiġi adattata kemm għal-livelli primarji u sekondarji. Il-klassijiet huma mħeġġa jiddiskutu l-oqsma differenti dwar it-teħid ta' deċiżjonijiet u jagħmlu xi deċiżjonijiet tagħhom ukoll. L-istampi li huma inklużi fil-logħba għandhom l-għan li jgħinu lill-istudenti jaraw aħjar il-proċess ta' teħid ta' deċiżjonijiet f'livell Ewropew.
- Dan huwa programm interattiv biex l-istudenti jitgħallmu jidentifikaw il-forom tal-pajjiżi fuq mappa Ewropea. Il-parteċipanti jridu jkaxkru l-bnadar biex iqabbluhom mal-forma ta' pajjiż fuq il-mappa.
- Dan l-oġġett ta' tagħlim għandu l-għan li jġedded u jtejjeb l-għarfien tiegħek dwar il-missirijiet fundaturi ta' l-Unjoni Ewropea. |
|
 |
Riżorsi magħżula
Drittijiet ta' l-awtur 2007,
Kummissjoni Ewropea |
Disclaimer |
Kuntatt |
Tagħrif |
Rekwiżiti tekniċi
