Iċ-chats huma ppjanati u mħabbra minn qabel. Il-mistieden taċ-chat u t-tim tal-proġett jagħżlu tema adatta, data u lingwa komuni għall-komunikazzjoni.

Il-klassijiet parteċipanti jippreparaw għaċ-chat billi jaraw ir-riżorsi online marbuta mas-suġġett magħżul. Il-klassijiet imbagħad jiddiskutu s-suġġett taċ-chat u jagħżlu il-mistoqsijiet l-aktar adatti li jkunu jixtiequ jagħmlu u li jkunu jaqblu mas-suġġett ġenerali taċ-chat.

Il-klassijiet parteċipanti huma mħeġġa li jinqasmu f'żewġ jew tliet gruppi żgħar matul is-sessjoni taċ-chat. Kull grupp għandu jkollu mexxej, li jittajpja l-mistoqsijiet. Il-mexxej tal-grupp għandu jkollu għarfien tajjeb tal-lingwa taċ-chat u għandu jkunu kapaċi jittajpja malajr u bla żbalji. Il-membri l-oħra tal-grupp huma mħeġġa li josservaw iċ-chat online li tinvolvi gruppi bi sfondi kulturali differenti. B'dan il-mod l-imsieħba kollha taċ-chat jikkontribwixxu biex jintlaħaq djalogu interkulturali mill-aqwa dwar suġġett komuni.

Kuntatt
L-għalliema li jixtiequ jieħdu sehem f'chat mal-klassijiet tagħhom għandhom jirreġistraw billi jibagħtu email (bl-Ingliż jew bil-Franċiż) lil Petru Dumitru.